ფილმები ჟანრით: ვესტერნი - გვერდი 1

ჯონ სტურგესის კლასიკური ვესტერნის, შესანიშნავი შვიდეულის (რომელიც აკირა კუროსავას შვიდი სამურიას მიხედვითაა გადაღებული) რიმეიკი. ძველ დასავლეთში ბანდის შვიდი წევრი ღარიბი სოფლის სასტიკი მტრისგან დასაცავად ერთიანდება.

ყოფილი მონა ცდილობს მეუღლის განთავისუფლებას, რომელიც სასტიკი მისისიპელი მიწათმფლობელის კელვინ ქენდის პლანტაციაზე იმყოფება.

ტომას სევიჯის ამავე სახელწოდების რომანზე დაფუძნებული დრამატული ვესტერნი, ძმების ფილ და ჯორ ბერბანკების შესახებ. უფროსი ფილი გონიერი და სასტიკი ადამიანია, ხოლო უმცროსი ჯორჯი ნაზი და მგრძნობიარე. ორივე მათგანმა ცოტა ხნის წინ მემკვიდრეობით მიიღეს მონტანას ხეობაში მდებარე უდიდესი რანჩო. მაგრამ ძმების ურთიერთობა სწრაფად ნადგურდება, როდესაც ჯორჯი ქვრივ როუზზე ფარულად დაქორწინდება. შედეგად, გაბრაზებული ფილ ქორწინების გასანადგურებლად დაუნდობელ ომს იწყებს, და ამაში ის როუზის შვილს პიტერს პაიკის სახით იყენებს.

ლეგენდარული შერიფი უაიტ ერპი უკვე ცხოვრებაგამოვლილი, დაქანცული მსროლელია, რომელიც უერთდება მის ორ ძმას მორგანს და ვირჯილს, რათა ბედი მაღაროელთა აყვავებულ ქალაქ თომბსთოუნში ეძიონ. მაგრამ როდესაც მოულოდნელად თავს ყაჩაღთა დაჯგუფება დაატყდებათ, რომელიც ქალაქს ატერორებს, ერპი იძულებული ხდება კვლავ ძველი ფორმა ჩაიცვას და დახმარება მის სახელგანთქმულ მეგობარს, დოქ ჰოლიდეის სთხოვოს.

სამოქალაქო ომის დროს დაჭრილი ჯარისკაცი ჯონ დუნბარი თვითმკვლელობით ცდილობს სიცოცხლის დასრულებას, მაგრამ ამის მაგივრად ხდება გმირი. ჯილდოს სახით მას გადაიყვანენ დასავლეთ საზღვართან მიტოვებულ ფორტში, სადაც ის დაუმეგობრდება ადგილობრივ ინდიელთა ტომს.

ფილმის მოქმედება 1823 წელს ვითარდება და მოგვითხრობს მონადირის ჰიუ გლასის ისტორიას, ამჟამინდელ დაკოტას ტერიტორიაზე ნადირობისას მას თავს დათვი დაესხმება, თანამგზავრები კი ჰიუს გაქურდავენ და სასიკვდილოდ დაჭრილს დატოვებენ, თუმცა ყველასთვის მოულოდნელად ჰიუ გლასი გადარჩება და დაიწყებს იმ ადამიანების მოძებნას, რომლებმაც მას უღალატეს.

1800-იანი წლების ბოლოს, არიზონაში, გაიძვერა კრიმინალი ბენ უეიდი და მისი ბანდის წევრები, სამხრეთ რკინიგზას თავს ესხმიან. სამოქალაქო ომის ვეტერანი დენ ევანსი, რომელიც რანჩოში გვალვისგან იტანჯება, ბენ უეიდს დაიჭერს და თვითნებურად გადაწყვეტს სამართალდამცავებისთვის გადასაცემად 3:10-ზე იუმასკენ მიმავალ მატარებელს გააყოლოს.