ყოფილი პედაგოგის სალომეს ყოველდღიური შეგონებები ზნეობასა და თანამედროვე ახალგაზრდების გულგრილობაზე თავს აბეზრებს მის სტუდენტ ვაჟიშვილს, გიას, რომელიც დედის შეხედულებებს ძველმოდურად მიიჩნევს. სალომე მეუღლეს სთხოვს, გიას ღირებულებების გარკვევაში დაეხმაროს. შვილთან საუბრის შემდეგ ვახტანგი დაასკვნის, რომ საგანგაშო არაფერია, გია წესიერი ახალგაზრდაა და დროის შესაფერისად ცხოვრობს. ოჯახის წევრთა ურთიერთობას სალომეს ავადმყოფობა შეცვლის. მამა-შვილი გადაწყვეტს სალომეს ოცნება აუსრულოს და სამოგზაუროდ ლიტვაში წაიყვანოს.

პანსიონატ "თეთრ სასტუმროში" დამსვენებელთა ჯგუფი ჩამოდის. პანსიონატის დირექტორი, ხეპრე ბიუროკრატი ალექსანდრე შეიტყობს, რომ დამსვენებელთა შორის არის კინორეჟისორი, რომელიც თავისი მომავალი ფილმისთვის სწავლობს პანსიონატის ცხოვრებას. ალექსანდრე რეჟისორად რატომღაც თერძს მიიჩნევს და მის საამებლად პანსიონატში სასტიკ რეჟიმს დააწესებს.

გულუბრყვილო, ლამაზი, პრეტენზიული ბატი ტასიკო მეგობარს გაებუტება და ტყეში გაიპარება, სადაც მგელთან პირისპირ აღმოჩნდება. მას ერთგული მეგობრები დაიხსნიან ამ განსაცდელისაგან.

ზესტაფონის ფეროშენადნობ ქარხანაში სამუშაოდ მივლინებული ახალგაზრდა ექიმი ქარხნის მიერ გარემოს დაბინძურებული გარემოსა და მუშათა ჯანმრთელობის დასაცავად საწარმოოს ხელმძღვანელობას დაუპირისპირდება.

ქვეყანა უცხოელი დამპყრობლების ხელშია. ყველა ელოდება გმირის გამოჩენას, რომელმაც განსაცდელისგან უნდა იხსნას სამშობლო.

მდიდარი ვაჭარი მაკარი გადაწყვეტს თავისი ქალიშვილი ქეთო დიდგვაროვანს მიათხოვოს. იგი მაჭანკალს მიუგზავნის თავად ლევანს, რომელიც ვაჭართან დამოყვრებას იუკადრისებს, მაგრამ, მევალეებით შეწუხებული, მდიდარი საპატარძლოს ნახვას მაინც დათანხმდება. ქეთოზე შეყვარებული კოტე, თავად ლევანის ძმისშვილი, მაჭანკალ ხანუმას დახმარებას სთხოვს, რათა ქეთო ბიძამისზე გათხოვებას გადაარჩინოს. სტუმრების წინაშე ქეთოს მაგიერ საპატარძლოდ გამოწყობილი ხანუმა წარსდგება და მანჭვა-გრეხით თავ-გზას აუბნევს მათ. ქეთო და კოტე მახინჯი საპატარძლოს ხილვით შეურაცხყოფილი ლევანის გაქცევით და საერთო არეულობით ისარგებლებენ და სასწრაფოდ ჯვარს დაიწერენ.

ცნობილი მთამსვლელები, და-ძმა სიმონ და ალექსანდრა ლომიძეები თეთნულდის დალაშქვრისას ჩამოწოლილ ზვავში მოყვებიან. სიმონს და მის მეგობარს ზვავი უფსკრულში ჩაიტანს. სიმონის უმცროს ძმას, ალიოშას, დაღუპულის დღიურის ჩანაწერები თეთნულდის დაპყრობის სურვილს აღუძრავს. ალიოშა, რომელსაც ალპინიზმი არასდროს იტაცებდა, მთამსვლელი გახდება. ერთმანეთს მოსდევს ექსპედიციები უშბის, შხელდის და სხვა მწვერვალების დასაპყრობად. გადაღებაში მონაწილეობენ ალპინისტები: მ. ანუფრიკოვი, ი. არკინი, გ. ახვლედიანი, გ. გულბანი, გ. დებერლი, პ. ხაზაროვი, ი. ლაპშენიკოვი, ი. ნემსიწვერიძე, ვ. მუხინი, გ. ხუციშვილი