იასონი ენთუზიასტებს შეკრებს და საქართველოში ფეხბურთის პირველ გუნდს, "მერცხალს" ჩამოაყალიბებს. სენაკელებთან და თურქული გემის მეზღვაურებთან გამარჯვების შემდეგ "მერცხალი" ინგლისელ მეზღვაურებთან გამართულ მატჩში სასტიკად დამარცხდება. თანამოქალაქეთა მხრიდან დაცინვის, ოჯახის წევრების უკმაყოფილებისა და უსახსრობის მიუხედავად, გუნდის წევრები თავგამოდებით აგრძელებენ ვარჯიშს და ზრუნვას ფეხბურთის პოპულარიზაციისთვის.

ფილმი კონსტანტინე გამსახურდიას ამავე სახელწოდები რომანზეა დაფუძნებული და 1930-იანი წლების საბჭოთა საქართველოში მიმდინარე სოციალურ და პოლიტიკურ ძვრებს ასახავს.

ქუთაისის ციხეში მიმდინარეობს პოლიტიკური პატიმრების სასამართლო პროცესი. მათ ჩამოხრჩობა ან სამუდამო კატორღა ემუქრებათ. მათი ციხიდან დახსნის მიზნით ქალაქში ჩამოდიან პარტიული მოღვაწე, მეტსახელად "ჭაღარა" და რევოლუციონერი ქალი, "ვარდო", იგივე ნატო ნაკაშიძე-ვოლფისა.ის ციხის მახლობლად ქირაობს სახლს, ვითომდა საქსოვი სახელოსნოს გასახსნელად. ამ სახლიდან უნდა გაითხაროს გვირაბი ციხემდე. ციხის ეზოში უკვე შვიდი სახრჩობელაა აღმართული.

ფილმი მოგვითხრობს ციმბირში სამოქალაქო ომის შესახებ, რომლის მთავარი მოქმედი პირია ციმბირელ პარტიზანთა მეთაური, სამოქალაქო ომის გმირი, ნესტორ კალანდარიშვილი.

სამკერვალო სასწავლებლის დამთავრების შემდეგ მაყვალა კახეთის სოფელში ჩადის სამუშაოდ. სოფლის მძღოლს ბურბუთას მაყვალა შეუყვარდება, მაგრამ გრძნობის გამხელას ვერ უბედავს. რთველი კარზეა მომდგარი, მუშაობისთვის კი არავის სცალია – სოფელში ყველა შეყვარებულია: ვენახის დარაჯი ბიჭები ტყუპი დების ცოლად შერთვაზე ოცნებობენ, მარტოხელა ხირხელა შინაბერა ქეთოს ფარულ შეხვედრაზე ითანხმებს, ბურბუთას პატარა ძმას მეზობლის პატარა გოგო უყვარს, რამდენჯერმე გათხოვილ ნაზოს გათხოვების კიდევ ერთი შანსი ეძლევა... კოლმეურნეობის თავმჯდომარე ჩხუბობს, მაგრამ სიყვარული ყველას უნდა.