სერიალი აღწევს გენიოსის გონებაში, ავლენს დიდი მიღწევების მიღმა დამალულ დრამატურგიას და იკვლევს იმ საიდუმლოს, რომლის ახსნაც ლეონარდო და ვინჩის ბიოგრაფებმა ვერ შეძლეს - მოდელ კატერინა და კრემონასთან ურთიერთობის ბუნება და ისტორია. კატერინას სავარაუდო მკვლელობა და ნახატის გაუჩინარება ქმნის საიდუმლოებებით სავსე ისტორიას, რომელიც გადაგვიყვანს ლეონარდოს ცხოვრებისა და შემოქმედების საკვანძო ეტაპებზე და მიგვიყვანს ამაღელვებელ კულმინაციამდე ისეთივე დახვეწილი, როგორც და ვინჩის საკუთარი გამოგონება.

ჩესტერტონის ცნობილი მოთხრობების გმირი - მამა ბრაუნი, ისევე როგორც შერლოკ ჰოლმსი ძალიან ყურადღებიანია ხალხთან ურთიერთობაში, დაკვირვებულია წვრილმან დეტალებზე და შეუძლია სწორი დასკვნების გამოტანა, რაც იდუმალებით მოცული დანაშაულების გახსნაში ეხმარება.

მოქმედება ძირითადად მიდსამერის საგრაფოს სოფლებში ხდება. ჩადენილ საზარელ დანაშაულებებს კრიმინალური გამოძიების ბიუროს ინსპექტორი ბარნაბი და სერჟანტი ტროი იძიებენ.

ინგლისელი მწერლის, ნოველისტის და ფილოსოფოსის ოლდოს ჰაქსლის ამავე სახელწოდების რომანზე დაფუძნებული სატირული ანტიუტოპიური სერიალი მომავლის სამყაროს შესახებ, რომელმაც მშვიდობას და სტაბილურობას მონოგამიის, პირადი ცხოვრების ხელშეუხლებლობის, ფულის, ოჯახის და თავად ისტორიის აკრძალვით მიაღწია, სადაც მსოფლიოს დედაქალაქად ქცეული ლონდონის საზოგადეობა კასტებად არის დაყოფილი, და ყველა პრობლემა სინთეზური ნარკოტიკის დახმარებით გვარდება. ერთ დღეს ლენინა კრაუნი და მისი მეგობარი ბერნარდ მარქსი ველურ მიწებზე მიდიან, რომელთა მოსახლეობა, განვითარებული ლონდონელებისგან განსხვავებით, კვლავ ინარჩუნებს წარსული ადამიანების თვისებებს, რომელშიც ოჯახი, რელიგია და სიყვარული ფუნდამენტური ფასეულობები იყო.