ჯ. რ. რ. მარტინის ფენტეზი საგის „ყინულისა და ცეცხლის სიმღერის“ ადაპტაცია - სატახტო გვარების სისხლიანი ბრძოლა ვესტეროსისა და მისი რკინის ტახტის მოსაპოვებლად. სანამ დიდებული გვარები სატახტო თამაშებში არიან ჩართულნი, ჩრდილოეთით, ყინულის კედლის მიღმა მაგიური არმია იღვიძებს და ყველაფერს განადგურებით ემუქრება.

ამავე სახელწოდების ვიდეო თამაშების ფრენჩაიზზე დაფუძნებული სამეცნიერო ფანტასტიკური ტელესერიალი, რომელშიც მოვლენები 26-ე საუკუნეში ვითარდება და რამდენიმე უცხოპლანეტური რასის რელიგიური ალიანსის “კოვენანტის” წინააღმდეგ, გაერთიანებული ერების კოსმოსური ომის შესახებ მოგვითხრობს, რომელში გასამარჯვებლადაც ადამიანები მოდიფიცირებული მებრძოლების – სპარტანელების წარმოებას იწყებენ, ადამიანები, რომლებმაც ადამიანობა ქიმიური და გენეტიკური საშუალებებით შეიცვალეს და ახლა ყველაზე ეფექტური იარაღი უნდა გახდნენ უცხოპლანეტელებთან ბრძოლაში. მაგრამ მტრები სპარტანელების პლანეტას პოულობენ და ანადგურებენ, სადაც მხოლოდ ერთი ხომალდი ახერხებს გაქცევას, რომლის ბორტზე უკანასკნელი გადარჩენილი სპარტანელი ჯონ-117 აღმოჩნდება და სწორედ მან უნდა შეცვალოს ომის მსვლელობა.

მინი სერიალი წარმოადგენს უ. შექსპირის ნაკლებად ცნობილი ისტორიული პიესების ეკრანიზაციას. "რიჩარდ II", "ჰენრიხ IV" და "ჰენრიხ V" მოგვითხრობს ოჯახის, პოლიტიკის და ძალაუფლების ისტორიას.

ინგლისელი მწერლის, ნოველისტის და ფილოსოფოსის ოლდოს ჰაქსლის ამავე სახელწოდების რომანზე დაფუძნებული სატირული ანტიუტოპიური სერიალი მომავლის სამყაროს შესახებ, რომელმაც მშვიდობას და სტაბილურობას მონოგამიის, პირადი ცხოვრების ხელშეუხლებლობის, ფულის, ოჯახის და თავად ისტორიის აკრძალვით მიაღწია, სადაც მსოფლიოს დედაქალაქად ქცეული ლონდონის საზოგადეობა კასტებად არის დაყოფილი, და ყველა პრობლემა სინთეზური ნარკოტიკის დახმარებით გვარდება. ერთ დღეს ლენინა კრაუნი და მისი მეგობარი ბერნარდ მარქსი ველურ მიწებზე მიდიან, რომელთა მოსახლეობა, განვითარებული ლონდონელებისგან განსხვავებით, კვლავ ინარჩუნებს წარსული ადამიანების თვისებებს, რომელშიც ოჯახი, რელიგია და სიყვარული ფუნდამენტური ფასეულობები იყო.