ფილმში მოთხრობილია მწყემს სოსანას ამბავი, რომელიც სოფლიდან ცოლ-შვილს ველზე ჩამოიყვანს, სადაც ნახირს მწყემსავს. მაგრამ ველზე ნავთობის ჭაბურღილის აღმოჩენის შემდეგ სოსანას ცხოვრებაში ყველაფერი ირევა.

მეორე მსოფლიო ომი. სოფლის ექიმი, ქეთევანი უკვე მეორე შვილს აცილებს ომში. ოჯახის იმედად უმცროსი შვილი, მამუკა რჩება მხოლოდ. ქეთევანი ავადმყოფებს ზრუნვას არ აკლებს, იმედით ცხოვრობს, შვილების შინ დაბრუნებას ელის. მაგრამ ომის მკაცრი რეალობა მისგან ისევ მსხვერპლს ითხოვს- ქეთევანი მესამე შვილსაც ომში უშვებს.

მთელი დღის შრომით დაქანცულ გლეხს ცოლი ურჩევს ბაზარზე გასაყიდ ღვინოში წყალი გაურიოს, მაგრამ პატიოსანი გლეხისათვის ეს სინდის-ნამუსის საქმეა.

ენგურჰესის მშენებლობაზე ახალგაზრდებს ბრიგადირად ომის ვეტერანი ალექსანდრე დაუნიშნეს. ისინი საერთო საცხოვრებელშიც ერთად არიან. ალექსანდრეს გამოცდილება, შრომისმოყვარეობა, წესიერება და ადამიანურობა სკოლის მერხიდან პირდაპირ მშენებლობაზე მისული ბიჭებისთვის სამაგალითო გახდება. მძიმე სიტუაციაში ჩავარდნილი ახალგაზრდები, მშენებლობის მიტოვებასაც დააპირებენ, მაგრამ ალექსანდრე ახალგაზრდებს ამხნევებს და ისევ აგრძელებენ დაწყებულ საქმეს.

1920-იანი წლების საქართველო. პატიოსანი, გულისხმიერი, მაგრამ გულუბრყვილო მეთევზე ლადო ყველა გაჭირვებულის ქომაგია. მისი სიკეთით სარგებლობს ყველა, პირველ რიგში მეწისქვილე სტეფანე, ხარბი და გაუმაძღარი ადამიანი. მისი ჟინის მსხვერპლი ხდედბა ლადოს მეუღლე იულიაც. მაგრამ დროება იცვლება. სტეფანესნაირ ადამიანებს მომავალი არ აქვთ. ფინალში ადიდებულ მტკვარს მიაქვს მისი წისქვილი, როგორც ძველი ცხოვრების სიმბოლო.

გოგიას შინ, კახეთში იმერეთში დამზადებული ქვევრი ჩამოაქვს. შორიდან ვაი-ვაგლახით ჩამოტანილი ქვევრი დაუდევრობით ტყდება. გოგიას სოფლის ხელოსანი აბესალომი მიჰყავს შინ, რომელიც ქვევრს კი გაამთელებს, მაგრამ თავად ქვევრიდან ვეღარ გამოდის.

ხელოსან ბიჭს გოგიას ბაზრობაზე სოფლიდან ჩამოსული გოგო ტასია შეუყვარდება, გულის ნადებს გაუმხელს და დანიშნავს. ტასიას სოფელში მაყრიონის თანხლებით ჩასულ გოგიას პატარძალი აღარ დახვდება - თავადის ქალის ბრძანებით გოგო ბატონის სახლში შინამოსამსახურედ წაუყვანიათ. ხანშიშესულ, უქნარა ბატონს ტასია მოეწონება და მის ცოლად შერთვას გადაწყვეტს, მაგრამ ბატონყმობა უკვე გადავარდნილია - ბატონის სურვილი კანონი აღარ არის. გოგიას მეგობარი ყარაჩოღელები ბატონს პატარძალს წაართმევენ და გოგიას და ტასიას ჯვარს დაწერენ.

ახალგაზრდა ფეხბურთელები მეტსახელად უწოდებენ თავიანთ ლიდერს თეოლას ბრაზილიის დაუმარცხებელი ნაკრების შესანიშნავი მწვრთნელის პატივსაცემად. ეს არის კომიკური მოთხრობა მენეჯერის სახლის შესახებ, რომელმაც დაავალა დირექტივა ბავშვთა საფეხბურთო გუნდის შესაქმნელად და მასში გაერთიანების აქციაზე. ცუდი სახლის მენეჯერი არასდროს ყოფილა სტადიონზე და ბუნდოვანი მოსაზრებები აქვს ფეხბურთის შესახებ. მაგრამ, მიჩვეული ემორჩილება მისი ზემდგომთა ოფიციალურ მითითებებს, ის განაგრძობს მათ ოფიციალურ განხორციელებას. ყველაფრისგან, რაც ახალი მწვრთნელის ცოდნაა საჭირო, მან ერთი რამ შეიტყო - თამაშები გაიმართება ოლიმპიური სისტემის შესაბამისად, ანუ აღმოფხვრილია წაგებული გუნდი. მწვრთნელი ცდილობს თავისი გუნდი წააგოს და ის, როგორც იღბალი ექნება მას, იმარჯვებს ერთ თამაშში მიყოლებით.