ქუთაისის ციხეში მიმდინარეობს პოლიტიკური პატიმრების სასამართლო პროცესი. მათ ჩამოხრჩობა ან სამუდამო კატორღა ემუქრებათ. მათი ციხიდან დახსნის მიზნით ქალაქში ჩამოდიან პარტიული მოღვაწე, მეტსახელად "ჭაღარა" და რევოლუციონერი ქალი, "ვარდო", იგივე ნატო ნაკაშიძე-ვოლფისა.ის ციხის მახლობლად ქირაობს სახლს, ვითომდა საქსოვი სახელოსნოს გასახსნელად. ამ სახლიდან უნდა გაითხაროს გვირაბი ციხემდე. ციხის ეზოში უკვე შვიდი სახრჩობელაა აღმართული.

ფილმი მეორე მსოფლიო ომის დროს მტრისაგან განადგურებულ ქალაქში ჩარჩენილი ბავშვებისა და საბჭოთა ავიაგამანადგურებლის ესკადრილიის მფრინავის მეგობრობაზე მოგვითხრობს, რომელმაც ისინი სამშვიდობოზე გამოიყვანა.

1920-იანი წლების საქართველო. პატიოსანი, გულისხმიერი, მაგრამ გულუბრყვილო მეთევზე ლადო ყველა გაჭირვებულის ქომაგია. მისი სიკეთით სარგებლობს ყველა, პირველ რიგში მეწისქვილე სტეფანე, ხარბი და გაუმაძღარი ადამიანი. მისი ჟინის მსხვერპლი ხდედბა ლადოს მეუღლე იულიაც. მაგრამ დროება იცვლება. სტეფანესნაირ ადამიანებს მომავალი არ აქვთ. ფინალში ადიდებულ მტკვარს მიაქვს მისი წისქვილი, როგორც ძველი ცხოვრების სიმბოლო.