უილი და გრეისი არიან საუკეთესო მეგობრები. უილი ჰომოსექსუალი ადვოკატია გრეისი კი, ინტერიერის დიზაინერი. როდესაც გრეის დაენგრევა ურთიერთობა, გადადის უილთან დროებით საცხოვრებლად.

სერიალი ამერიკულ მაფიოზურ ოჯახზეა. იგი თანამედროვე ნათლიმამას ყოველდღიურ ცხოვრებას ჰგავს. სავსეა მაფიოზური გარჩევებით და ოჯახში არსებული პრობლემების მოგვარებით. ტონი სოპრანოს ჰყავს ცოლი, საყვარელი, ორი შვილი და უკვე დაბერებული დედა. მისი ყოველდღიური ცხოვრების წესია, ფსიქოანალიტიკოსთან ვიზიტი, რომლის დამალვასაც იგი ცდილობს, ბავშვებისთვის შესაბამისი კოლეჯის მოძებნა და ასევე პრობლემები რომლებიც მაფიოზურ ბიზნესში წარმოიშვება.

ჩიკაგოს ქალაქის საავადმყოფოს ექიმები სასწრაფო დახმარებას უწევენ პაციენტებს, გადაარჩენენ ადამიანთა სიცოცხლეს, ზოგჯერ ივიწყებენ საკუთარ თავს და საერთოდ არ ფიქრობენ, რომ მათი ყოველდღიური მუშაობა გმირობას ესაზღვრება. „სასწრაფო დახმარების“ ექიმებს პროფესიული მოვალეობის შესრულებისას უყვარდებათ, შორდებიან, ქსოვენ ინტრიგებს, იმედოვნებენ საუკეთესოს და... ზოგადად, შრომისმოყვარეობისა და მაღალი მოწოდების მიუხედავად, ყველაფერი ხალხივით აქვთ.