სერიალის მთავარი გმირი ქალი - ებრუ, მეუღლე და სამი შვილის დედაა. მრავალი წლის მანძილზე, მთელი მისი ცხოვრება ტყუილებზე იყო აგებული. ადრე, თუ გვიან, ტყუილი, სიმართლით შეიცვლება, მაგრამ ეს სიმართლე ძალიან ძვირად ღირებული იქნება. ერთხელ, დილით, ქალის მეუღლე - მურატი, სხვა ქალაქში გაემგზავრება, ოჯახში დაიბარა, რომ საღამოთი დაბრუნდებოდა, მაგრამ სამწუხაროდ, უგზო-უკვლოდ გაქრა... ამ საშინელმა დღემ, თავდაყირა დააყენა ებრუს ცხოვრება. სამ ბავშვთან მარტო დარჩენილი ქალი, ცდილობს გაარკვიოს ქმრის გაუჩინარების მიზეზი და პირისპირ დადგეს იმ სინამდვილესთან, რაც მას ბედისწერამ არგუნა.

ოდესღაც მეგობრული ოჯახი იყო... შემდეგ კი ქმარი გარდაიცვალა და მარია ქვრივად რჩება ექვსი შვილით (ერთი გოგონა და ხუთი ბიჭი). უფროსის სახელია ისმაელი. ის ოცდახუთი წლისაა. გარდა ამისა, მამამისი, რომელიც ოთხმოცი წლისაა, მათთან ცხოვრობს. ყველა ეს მოვლენა და ბედის დარტყმების სერია ნელ-ნელა, მაგრამ აუცილებლად მიჰყავს ოჯახს იძულებით მიგრაციაში. მარია არ ნებდება. ის მზადაა გაიაროს ყველა განსაცდელი და გადარჩეს, რათა გადაარჩინოს ყველაფერი, რაც აქვს - ოჯახი.

სერიალში მოქმედება ვითარდება 1990-იანი წლებიდან დღემდე, ის მოგვითხრობს ახალგაზრდების ჯგუფზე, რომლებიც სწავლობენ ლიცეუმში, იმაზე, თუ როგორ იწყებენ ბრძოლას ცხოვრების ყველა სირთულესთან... 17 წლის ახალგაზრდების ჯგუფს არ უნდა, რომ მათმა საყვარელმა მასწავლებელმა საშუალო სკოლა დატოვოს, ამიტომ გადაწყვეტენ, რომ მას შეუყვარდეს კალათბურთის ახალი მწვრთნელი, რომელიც მათთან მოვიდა. ამრიგად, მათი აზრით, ორივე ლიცეუმში დარჩება. თუმცა, გეგმის შემუშავებისას ბიჭები მიხვდებიან, რომ სიყვარულის კონტროლი შეუძლებელია...