ლადო და თენგიზი ბათუმის საზღვაო სასწავლებელზე ოცნებობენ და აბარებენ კიდეც გამოცდებს. მაგრამ ეწყობა მხოლოდ ლადო, თენგიზი კი კვლავ განაგრძობს ოცნებას საზღვაო სასწავლებელზე,სახლში აგზავნის დეპეშას, რომ ისიც მოეწყო და მთელი წელი პორტში მუშაობს. მაგრამ მან იცის, რომ ლადოს დახმარების გარეშე, გამოცდებს ვერ ჩააბარებს და ლადოც თავს არ ზოგავს...

ფილმი მდინარე რიონის პირას, თეთრ ქვებზე მდგარ ფოტოატელიეს მეოცნებე ფოტოგრაფზე მოგვითხრობს, რომელიც მუდამ პოეტური თვალით აღიქვამს სამყაროს და მასთან მოსულ კლიენტებს. ერთ დღეს თავდავიწყებით შეუყვარდება სურათის გადასაღებად ქმართან ერთად მისული პატარძალი, რომელსაც საქმრო მიატოვებს და გაიქცევა. ფოტოგრაფი ატირებულ ქალს ხელს და გულს გულწრფელად სთავაზობს, მაგრამ პატარძალი მაინც საქმროს გაეკიდება.

მაღალმთიანი აჭარის სოფელში ერთ-ერთი ოჯახი მეწყერში მოყოლის მუდმივი საფრთხის ქვეშ ცხოვრობს. ამ მრავალრიცხოვანი ოჯახის თითოეული წევრი გადარჩენის და პირადი პრობლემების გადაწყვეტის გზას სხვადასხვაგვარად ეძებს.