ფილმი მეორე მსოფლიო ომის შემდგომი პერიოდის ქართული სოფლის ცხოვრებას ასახავს. საკენში ბრიგადირად დანიშნულ კესოუ მირბას მაღალმთიანი სოფლის მწირ მიწაზე სიმინდის უხვი მოსავლის მიღება უნდა, დარწმუნებულია, რომ აქ ძვირფასი მინერალური სასუქი მოიპოვება. კესოუს გეგმებს რამდენიმე გლეხი ეწინააღმდეგება, რომლებსაც ცხოვრების ძველი წესის შეცვლა არ სურთ. ერთი მათგანი ლაბორატორიაში გასაგზავნი მიწის ნიმუშებს შეცვლის.

სიმღერებითა და იუმორით აღსავსე ფილმი ახლად სკოლადამთავრებულ სოფლელ გოგონაზე მოგვითხრობს, რომელსაც სწავლასა და შრომას სიმღერა და თამაში ურჩევნია. იგი დიდად არც მისაღებ გამოცდებზე ჩაჭრას განიცდის, რადგან შეყვარებულია. მაგრამ ერთი გაუგებრობა ყველაფერს თავდაყირა აყენებს.

გადაღებულია მიხეილ ჯავახიშვილის ამავე სახელწოდების რომანის მიხედვით. ქეთევან ახატნელი მეტეხის ციხიდან გამოქცეულ რევოლუციონრს, ზურაბ გურგენიძეს შეიფარებს და ამ დღიდან მოძრაობის გულშემატკივარი ხდება. ახატნელების ოჯახში სხვადასხვა პოლიტიკური შეხედულების მქონე ადამიანები ცხოვრობენ. არალეგალური საქმიანობისთვის დაპატიმრებული ძმის ციხიდან დასახსნელად ქეთო ჟანდარმთა რომისტრს, კლიმიაშვილის მიყვება ცოლად. იგი ცოლს აგენტს მიუჩენს და გურგენიძის ორგანიაზაციას აღმოაჩენს. ქეთო იძულებული გახდება ამხანაგების გადასარჩენად ქმარი მოკლას, მაგრამ კლიმიაშვილი საპასუხო გასროლას მოასწრებს. დაჭრილი ქეთო რევოლუციონერებს საფრთხის შესახებ შეატყობინებს და ზურაბს ხელში ჩააკვდება.

სიუჟეტი: ბატონი და ყმა - დათიკო და გაბრო პატარაობიდანვე ერთად იზრდებიან. გაბრო დათიკოს ქალაქშიც მიჰყვება. მამის სიკვდილის შემდეგ დათიკო სოფელში ბრუნდება და გაბროც - მასთან ერთად. გაბრო გლეხის გოგოს, თამროს ცოლად შერთვას აპირებს, მაგრამ დათიკოს სურს "პირველი ღამის" უფლებით ისარგებლოს. თხოვნა არ ჭრის და ბატონზე ხანჯლით გაწევისთვის გაბროს და თამროს მამას აპატიმრებენ. ნამუსახდილი თამრო სოფლიდან მიდის და საროსკიპოში ხვდება. სინდისის ქეჯნით შეპყრობილი დათიკო ბადრაგს თავს ესხმის და საციმბიროდ გამზადებულ პატიმრებს ათავისუფლებს. კარგა ხნის შემდეგ გაბრო გზად გადაყრილ დათიკოზე შურს იძიებს საყვარელი ადამიანების გაუბედურებისთვის. მის ცხოვრებას აზრი დაკარგული აქვს, ის მაწანწალად იქცევა და გზის პირას კვდება უპატრონოდ.

ახალგაზრდა ვეტერინარი კახაბერი სოფელში აპირებს მუშაობის დაწყებას, მაგრამ მომღერალი ქალი, ნელი შეუყვარდება და მის კვარტეტში იწყებს მუშაობას ადმინისტრატორად. მისგან ადმინისტრატორი არ გამოდის, ყველა აბუჩად იგდებს, მათ შორის ნელიც. მხოლოდ ახალგაზრდა გოგონას გაცნობა ერთ-ერთი გასტროლის დროს აუხელს თვალს კახაბერს, ის თავის საქმიანობას უბრუნდება.

„ხევისბერი გოჩა“ — 1964 წლის ქართული ფილმი, რომელიც გადაღებულია ალექსანდრე ყაზბეგის ამავე სახელწოდების მოთხრობის მიხედვით. სიუჟეტი ყურადღება! ქვემოთ მოყვანილია სიუჟეტის და/ან დასასრულის დეტალები. გუგუა თავის ქორწილში ხელისმომკიდედ ძმადნაფიც ონისეს აირჩევს, მაგრამ ონისეს და პატარძალს, ძიძიას ერთმანეთი დანახვისთანავე შეუყვარდებათ. ხევი დამპყრობელი ფეოდალის, ნუგზარ ერისთავის წინააღმდეგ საბრძოლველად ემზადება. ონისეს დავალებული აქვს მოძმეებს მტრის გამოჩენა ამცნოს, მაგრამ ძიძიასთან ალერსი გაიტაცებს და მტრის შემოსევას ვერ შენიშნავს. ბრძოლის დამთავრების შემდეგ, ხალხი მოღალატის დასჯას მოითხოვს. გუგუა ოჯახის შერცხვენის გამხელას, სიკვდილს არჩევს, ონისე მზად არის დანაშაულისთვის პასუხი აგოს. შვილის უპასუხისმგებლობით გამწარებული ხევისბერი გოჩა ონისეს ხანჯლით განგმირავს. თავსდამტყდარი უბედურება ხევისბერს ჭკუიდან შეშლის.

ფილმი მეორე მსოფლიო ომის შემდგომი პერიოდის ქართული სოფლის ცხოვრებას ასახავს. საკენში ბრიგადირად დანიშნულ კესოუ მირბას მაღალმთიანი სოფლის მწირ მიწაზე სიმინდის უხვი მოსავლის მიღება უნდა, დარწმუნებულია, რომ აქ ძვირფასი მინერალური სასუქი მოიპოვება. კესოუს გეგმებს რამდენიმე გლეხი ეწინააღმდეგება, რომლებსაც ცხოვრების ძველი წესის შეცვლა არ სურთ. ერთი მათგანი ლაბორატორიაში გასაგზავნი მიწის ნიმუშებს შეცვლის.