ნიკოლასი მეამბოხე მხატვარია, რომელსაც მრავალი უქადის რომ გაჩუმდეს, განსაკუთრებით იდეოლოგები ესწრაფვიან იმისკენ, რომ გააჩუმონ იგი მაგრამ ამას ვერ ახერხებენ. პირობების არ ქონის გამო, ნიკოლასი თავისუფლებისა და დემოკრატიის ქვეყანაში - საფრანგეთში გადადის საცხოვრებლად.

ვენსანი არც ბავშვებს და არც ცოლს უკვე დიდი ხანია არ სჭირდება, მეგობრები არ ჰყავს, მეზობლები შურიანები არიან. ამ გარემოემების გამო ის გადაწყვეტს გაემართოს მოგზაურობაში სამყაროს დასათვალიერებლად. პირველ რიგში გაემართება ვენეციაში. იქნებ იქ ნახოს ის რაც მას მთელი ცხოვრება აკლდა.

სამკერვალო სასწავლებლის დამთავრების შემდეგ მაყვალა კახეთის სოფელში ჩადის სამუშაოდ. სოფლის მძღოლს ბურბუთას მაყვალა შეუყვარდება, მაგრამ გრძნობის გამხელას ვერ უბედავს. რთველი კარზეა მომდგარი, მუშაობისთვის კი არავის სცალია – სოფელში ყველა შეყვარებულია: ვენახის დარაჯი ბიჭები ტყუპი დების ცოლად შერთვაზე ოცნებობენ, მარტოხელა ხირხელა შინაბერა ქეთოს ფარულ შეხვედრაზე ითანხმებს, ბურბუთას პატარა ძმას მეზობლის პატარა გოგო უყვარს, რამდენჯერმე გათხოვილ ნაზოს გათხოვების კიდევ ერთი შანსი ეძლევა... კოლმეურნეობის თავმჯდომარე ჩხუბობს, მაგრამ სიყვარული ყველას უნდა.

კომედია ორ მეგობარზე, რომლებსაც დიდი თავგადასავლები ელოდებათ წინ, ზამთრის სიმღერაში კარგად ჩანს პარიზის წარსული აწმყო და მომავალი.

პროფტექნიკური სასწავლებლის საერთო საცხოვრებელში მცხოვრებ სამ ხელმოკლე სტუდენტს პაემანზე წასასვლელად ხეირიანი ტანსაცმელი არა აქვს. ბიჭები საზიაროდ თეთრ კოსტიუმს შეიძენენ. კოსტიუმი ფათერაკიანი აღმოჩნდება – რამდენჯერაც ჩაიცვამენ, იმდენჯერ კურიოზულ ვითარებაში აღმოჩნდებიან. თავგადასავლების მიუხედავად, კოსტიუმი პეწს შეინარჩუნებს, ახალგაზრდები კი – მეგობრობას. გადაღებულია ამერიკელი მწერლის რეი ბრედბერის მოთხრობის მიხედვით.

საბჭოთა ხელისუფლების მაღალი რანგის მოხელე ვარლამ არავიძე რეპრესიების წნეხქვეშ ამყოფებს და სასიკვდილოდ წირავს უდანაშაულო თანამოქალაქეებს. წლების შემდეგ მის მიერ განადგურებული ოჯახის შვილი, ქეთევან ბარათელი ვარლამს საფლავიდან ამოთხრის და მომხდარით შეძრწუნებულ საზოგადოებას არავიძის ბნელი საქმეების შესახებ უამბობს. წინაპრის მიერ განვლილი, ცოდვებით დამძიმებული გზის გააზრება არავიძის შვილიშვილს, თორნიკეს მამასთან მწვავე კონფლიქტამდე მიიყვანს.

თავად ხარაშვილის მოურავი ხარება ჯიბუტი ბატონის უსამართლობას გაექცევა და ტყეში ყაჩაღად გავარდნილი გოგია კენკიაშვილის რაზმს შეუერთდება. ყაჩაღებზე ძებნაა გამოცხადებული. თავადი ანდრონიკაშვილი ხარებას და გოგიას საინტერესო ადამიანებად მიიჩნევს. რუსი მაღალჩინოსანი სტუმრის, ვოლხოვსკის თხოვნით მათ წვეულებაზე მიიპატიჟებს. ტყის ძმები თავადის კაცურ სიტყვას ენდობიან და წვეულებაზე გამოცხადდებიან. შტაბს-კაპიტანი ახვლედიანი რაზმელებზე ნადირობს, მაგრამ მოსახლეობის მხარდაჭერით ტყის ძმები განსაცდელს არაერთხელ დააღწევენ თავს. მოღალატის დახმარებით ახვლედიანი მიზანს მაინც მიაღწევს – ხარებას და გოგიას რაზმს ალყაში მოამწყვდევს და გაანადგურებს.